JANUBIY O‘ZBEKISTONDA YER OSTI SUV ZAXIRALARI ANOMALIYALARINI GRACE/GRACE-FO MA’LUMOTLARI BILAN BAHOLASH

Ushbu maqolada Janubiy O‘zbekiston hududi, xususan Surxondaryo va Qashqadaryo viloyatlarida yer osti suvlari zaxirasi anomaliyalarining vaqt bo‘yicha o‘zgarishlari GRACE/GRACE-FO sun’iy yo‘ldosh missiyalari ma’lumotlari asosida tahlil qilindi. Hisoblashlar GRACE Groundwater Subsetting Tool platformasida tanlangan 13 ta reprezentativ nuqta bo‘yicha oylik GWSA vaqt qatorlari o‘rtachasi asosida amalga oshirildi. Tadqiqot 2003–2012 va 2013–2023 yillar kesimida olib borildi. 2003–2012 yillarda o‘rtacha GWSA −0,155 sm, 2013–2023 yillarda esa −1,197 sm ni tashkil etdi. Natijalar 2013 yildan keyin yer osti suvlari zaxirasining barqaror kamayish tendensiyasi shakllanganini ko‘rsatdi.